唔知大家同死党吹水嘅时候，有冇遇到过呢啲经典万能句？
呢啲句子一出，基本上令你冇晒声出，仲要觉得好有道理，难以反驳！简直系粤语界嘅倚天剑屠龙刀！
窒人指数：★★★★
常用于历经千辛万苦去到一个地方，无论点都要做返啲嘢以弥补途中花费嘅时间与精力，但系其实可能咁样更加浪费你自己嘅时间。
▲反驳专用表情包
窒人指数：★★★★
非常励志嘅一句话，做人的确要有梦想，反正从来都未实现过……
窒人指数：★★★★★
呢句通常意思系：人死咗带唔走啲钱，所以应该及时使钱享乐，唔好等到人在天堂，钱在银行。反驳好简单，你直接问讲呢句嘢嘅人借钱！
窒人指数：★★★★★
呢句一出，就算你同你老窦嗌晒交，反晒面，自己都会觉得唔好意思，低低地去认错，类似劝人和好嘅说话仲有：“两公婆床头打交床尾和”、“一世人两兄弟”等。
窒人指数：★★★★★★★
老窦老母万用句，每次我都可以屈服！一讲依句话，你就再唔听话，就系不孝。
你问我点可以反驳？我劝你都系唔好反驳你老窦老母，否则你嘅处境将会更危险……
窒人指数：★★★★★★★★★★
后边经常会跟“咩都要试下”，“唔好咁细胆”，怂恿人哋做某件事嘅时候经常会咁讲，既然咩都要试下，点解你唔试下死亡呢……
讲到劝人万用句之中嘅SSR，莫过于呢套TVB万能劝人金句模板！
万用模板：
发生呢啲事，大家都唔想，感情嘅事，系唔可以勉强，正所谓吉人自有天相，做人呢，最紧要就系开心。肚唔肚饿？我煮碗面畀你食！
如果你同事上班迟到，可以咁用：
其实返工呢，最紧要系开心。可唔可以准时打卡呢？系唔可以强求嘅。老世同事都啤住你，系佢哋未知你嘅含金量。发生呢啲事呢，大家都唔想嘅。既然你都迟到开啰，不如帮我带个早餐吖。
如果你老婆要生仔，可以咁用：
其实生仔呢，最紧要就系开心，顺产或者剖腹产，都系唔可以强求嘅。一直生唔出，发生呢啲事，大家都唔想嘅，加油！用力！忍下就轻松嘅喇！
如果有人想嫁豪门，可以咁用：
做女人呢，最紧要就系开心，买房买楼呢啲事，系唔可以强求嘅。土豪唔娶你，系佢哋唔识珍惜。发生呢啲事，大家都唔想嘅。所以我买咗你最想要嘅红色iPhone7，要唔要一齐自拍！
如果你玩阴阳师，可以咁用：
其实玩阴阳师呢，最紧要开心。抽SSR呢啲嘢呢，系唔可以强求嘅。欧洲人唔要你，系佢哋唔识珍惜。发生呢啲事，大家都唔想嘅。我氪咗200蚊入你个账号，你要唔要再抽多次卡？
如果你玩皇室战争，可以咁用：
其实打皇室战争呢，最紧要开心。传奇宝箱呢啲嘢呢，系唔可以强求嘅。冇部落畀你玩双人战争，系他们唔使珍惜。发生呢啲事，大家都唔想嘅。我要去TB刷个外挂，要唔要一齐夹钱？
如果你玩天天爱消除，可以咁用：
其实玩天天爱消除呢，最紧要开心。过关呢啲嘢，系唔可以强求嘅。你就差个廿粒钻石就过到关但系你就系冇钱，发生呢啲事，大家都唔想嘅。我pk赛钻石场又赢Q咗喔！要唔要嚟抽返铺？
若你够胆咁劝人，一系变神，一系变灵魂。各位你自己友，你哋心目中最佳万用句就系边个？
